Өөрөө сургалтын баг
Аль креатини хамгийн сайн бэ?
Үнэтэй креатин авбал бэлтгэл дээр илүү үр дүн гарах уу? Хоёр бүтээгдэхүүн бодитоор ижил хэмжээний креатин моногидрат өгч байвал хүчний бэлтгэлд үзүүлэх нөлөө нь ойролцоо. Тиймээс брэндээс илүү доорх дөрвөн зүйлийг анхаараарай.

1. Баталгаатай газраас ав, эсвэл гаднаас өөрөө захиал
Креатин моногидрат аль брэндийнх ч ижил бодис. Эрсдэл нь хуурамч, хугацаа нь дууссан, буруу хадгалсан бүтээгдэхүүнд байдаг. Монголоос авбал брэндийн албан ёсны борлуулагч, эсвэл бараагаа хаанаас татсанаа хэлж, баримт өгдөг дэлгүүрийг сонго.
Гаднаас өөрөө захиалбал бүтээгдэхүүнээ эх үүсвэрээс нь шууд авна. Хаанаас, яаж найдвартай захиалахыг манай сургалтад алхам алхмаар заасан. Илгээмж ирэхэд савны лац, LOT дугаар, хүчинтэй хугацааг шалга. LOT дугаараар нь үйлдвэрлэгчээс тухайн савны шинжилгээний тайлан (COA) асууж болно.
2. Үнийг 5 граммаар нь харьцуул
Нэг удаад 5 г ууна. Савны үнийг порцын тоонд хуваавал аль нь үнэтэйг шууд харна. Доорх таван амтгүй креатины Монгол дахь үнэ болон өөрөө захиалахад гарах нийт зардлыг харьцуулав.
EVL Creatine5000-ийн нэг порц Монголд 3,332₮ байхад өөрөө захиалбал 770₮ болж байна. Монголд хамгийн хямд порц нь Nutrex, өөрөө захиалбал Optimum Nutrition. Optimum Nutrition, Thorne хоёрыг Монголоос олсонгүй. Савны үнэ биш, порцын үнэ л жинхэнэ үнэ.
| Бүтээгдэхүүн | Монголд | Өөрөө захиалбал |
|---|---|---|
![]() Nutrex Research Creatine Monohydrate 1 кг · 200 порц | 1,035₮ / 5 г 207,000₮ | 578₮ / 5 г 115,641₮ |
![]() Nutricost Creatine Monohydrate 454 г · 91 порц | ≈1,099₮ / 5 г ≈100,000₮ | 548₮ / 5 г 49,896₮ |
![]() EVL Creatine5000 300 г · 60 порц | 3,332₮ / 5 г 199,900₮ | 770₮ / 5 г 46,170₮ |
![]() Optimum Nutrition Micronized Creatine 1.2 кг · 240 порц | Олдсонгүй | 532₮ / 5 г 127,659₮ |
![]() Thorne Creatine 450 г · 90 порц | Олдсонгүй | 1,215₮ / 5 г 109,312₮ |
3. Micronized гэж юу вэ?
Micronized креатин бол энгийн креатин моногидратыг илүү нарийн нунтагласан хэлбэр. Бодис нь яг ижил, зөвхөн ширхэг нь жижиг. Тиймээс усанд хурдан уусч, аяганы ёроолд тунадас үлдэх, шүдэнд шаржигнах нь бага.
Харин булчинд илүү сайн шингэдэг, илүү хурдан үр дүн өгдөг гэсэн нотолгоо алга. Нунтаг уусахгүй байх нь төвөг удаж байвал micronized сонго. Үгүй бол энгийн моногидрат хангалттай. Optimum Nutrition Micronized Creatine нь нэрэндээ үүнийг бичсэн түгээмэл жишээ.
4. Тамирчин бол NSF тэмдгийг шалга
NSF Certified for Sport бол хөндлөнгийн байгууллагын баталгаажуулалт. Шошгон дээрх орц, тун үнэн эсэх, спортод хориглосон бодис агуулаагүй эсэхийг шинжилж, үйлдвэрийг нь тогтмол шалгадаг.
Допингийн шинжилгээ өгдөг тамирчинд энэ хамгийн чухал шалгуур. Нэмэлт тэжээлд хольц орсноос болж шинжилгээнд унах эрсдэлийг бууруулна. Савны тэмдэгт найдалгүй, nsfsport.com-ийн бүртгэлээс бүтээгдэхүүнээ нэр, хэмжээгээр нь хай. Жишээ нь Thorne Creatine 450 г бүртгэлтэй. Өөрөө захиалбал 109,312₮, нэг порц нь 1,215₮.
Допингийн шинжилгээ өгдөггүй бол NSF заавал биш. Энэ тэмдэг креатиныг илүү үр дүнтэй болгодоггүй, зөвхөн цэвэр, хориглосон бодисгүйг баталгаажуулна.






