Өөрөө сургалтын баг
Жин хасах нэмэлт: аль нь ажилладаг, аль нь мөнгө үрэх вэ?
Жин хасахын гол нь илчлэгийн дутагдал, өөрөөр хэлбэл зарцуулснаасаа бага идэх. Ямар ч нэмэлт үүнийг орлохгүй, өөхийг шууд шатаадаг бодис гэж байхгүй. Гэхдээ зарим нэмэлт удаан цатгалан байлгаж, бэлтгэлийн эрч хүчийг нэмж, булчингаа хадгалахад тусалдаг. Судалгаагаар нөлөө нь харагдсан таван нэмэлтийг доор түүвэрлэв.

1. Whey уураг
Уураг бусад шим тэжээлээс илүү удаан цатгалан байлгадаг, шингээхэд нь бие илүү их илчлэг зарцуулдаг. Илчлэг хасаж байхад уураг их идвэл булчин алдах нь багасна. Мета-анализаар ижил илчлэгтэй ч уураг ихтэй хоолоор хооллосон хүмүүс бага зэрэг илүү өөх хасаж, булчингаа илүү хадгалсан.
Whey бол хоолоор дутсан уургаа нөхөх хамгийн хялбар арга. Нэг порц нь 120 орчим ккал, 24 г орчим уураг. Өдрийн уургаа хоолоороо хүрч байвал заавал уух шаардлагагүй.
Nutrex 100% Whey 4.5 кг Монголд 610,000₮. Өөрөө захиалбал 450,324₮ болж, 26% хэмнэнэ.
| Бүтээгдэхүүн | Монголд | Өөрөө захиалбал |
|---|---|---|
![]() Nutrex Research 100% Whey Protein 4.5 кг · 128 порц | 4,766₮ / порц 610,000₮ | 3,518₮ / порц 450,324₮ |
2. Глюкоманнан
Глюкоманнан бол конжак ургамлын үндэснээс гаргасан эслэг. Усанд хавдаж гель болдог тул ходоодыг дүүргэж, цатгалан мэдрэмжийг уртасгана.
Европын хүнсний аюулгүй байдлын газар (EFSA) илчлэг хассан хоолны дэглэмтэй хамт өдөрт 3 г-ыг гурав хувааж, хоол бүрийн өмнө 1–2 аяга устай уувал жин хасахад тусалдаг гэж дүгнэсэн. Нөлөө нь бага, гол давуу тал нь өлсгөлөнг дарах.
Заавал устай нь уу. Хангалттай усгүй уувал хоолойд хавдаж түгжрэх эрсдэлтэй. Эхэндээ гэдэс дүүрч болох тул бага тунгаас эхэл. Эм уудаг бол эмээсээ хэдэн цагийн зайтай уу.
NOW Glucomannan-ийн нэг капсул 575 мг. Хоол бүрийн өмнө 2 капсулыг (1.15 г) уувал өдөрт 6 капсул болж, 180 капсултай сав 30 хоног хүрнэ.
| Бүтээгдэхүүн | Өөрөө захиалбал |
|---|---|
![]() NOW Foods Glucomannan 575 мг · 180 капсул | 1,802₮ / өдөр 54,046₮ |
3. Кофеин
Кофеин эрч хүч өгч, ядаргааг мэдрэгдэх нь багасгана. Илчлэг хассан үед бэлтгэл хүндэрдэг тул энэ нь чухал. Бодисын солилцоог бага зэрэг хурдасгадаг ч жинд мэдэгдэхүйц ялгаа гаргахааргүй жижиг нөлөөтэй.
Бэлтгэлийн 30–60 минутын өмнө биеийн жингийн кг тутамд 3 мг уухад ихэнх хүнд хангалттай. 70 кг хүнд 210 мг, нэг аяга кофе 80–100 мг орчим. АНУ-ын FDA эрүүл насанд хүрэгчдэд өдөрт 400 мг хүртэл аюулгүй гэж үздэг.
Оройн бэлтгэлийн өмнө бүү уу. Нойр муудвал өлсгөлөн нэмэгдэж, жин хасах хэцүү болно.
Nutricost-ийн нэг капсулд 100 мг кофеин, 100 мг L-теанин байна. 70 кг хүнд бэлтгэлийн өмнө 2 капсул хангалттай.
| Бүтээгдэхүүн | Өөрөө захиалбал |
|---|---|
![]() Nutricost Caffeine with L-Theanine 100 мг · 240 капсул | 362₮ / капсул 86,791₮ |
4. Креатин
Креатин өөх шатаадаггүй. Харин илчлэг хассан үед хүч, бэлтгэлийн чанараа хадгалахад тусална. Хүчээ хадгалбал булчингаа хадгална, тэгвэл хасагдсан жингийн ихэнх нь өөх байна. Өдөрт 3–5 г уухад хангалттай.
Эхний 1–2 долоо хоногт жин 1–2 кг нэмэгдэж магадгүй. Энэ нь өөх биш, булчинд хуримтлагдсан ус. Тиймээс жинлүүрийн тооноос гадна бүсэлхийн тойргоо хэмжиж байгаарай.
Креатин моногидрат аль брэндийнх ч ижил бодис, тиймээс порцын үнээр нь сонго. Nutrex креатин 1 кг Монголд 207,000₮, өөрөө захиалбал 115,641₮. Micro Ingredients 1 кг-ыг өөрөө захиалбал 100,457₮.
| Бүтээгдэхүүн | Монголд | Өөрөө захиалбал |
|---|---|---|
![]() Nutrex Research Creatine Monohydrate 1 кг · 200 порц | 1,035₮ / 5 г 207,000₮ | 578₮ / 5 г 115,641₮ |
![]() Micro Ingredients Creatine Monohydrate 1 кг · 200 порц | Олдсонгүй | 502₮ / 5 г 100,457₮ |
5. Ногоон цайны ханд
Ногоон цайны ханд дахь катехин (EGCG) кофеинтэй хамт бодисын солилцоог бага зэрэг нэмдэг гэж үздэг. Гэвч Cochrane-ийн тоймоор ногоон цайны бэлдмэл уусан хүмүүсийн хассан жин маш бага, ач холбогдол багатай гарсан. Таван нэмэлтээс хамгийн сул нь.
Ханд хэлбэрээр их тунгаар уувал элгэнд хортой байж болно. EFSA-ийн дүгнэлтээр нэмэлт хэлбэрээр өдөрт 800 мг ба түүнээс дээш EGCG уухад элэгний үзүүлэлт өссөн. Уух бол шошгон дээрх EGCG-ийн хэмжээг шалгаж, өлөн үедээ биш хоолтой хамт уу. Энгийн ногоон цай уух нь илүү аюулгүй.
NOW EGCg-ийн нэг капсулд 200 мг EGCG байгаа нь 800 мг-ийн хязгаараас хамаагүй доогуур. Өдөрт 1 капсулыг хоолтой хамт уу.
| Бүтээгдэхүүн | Өөрөө захиалбал |
|---|---|
![]() NOW Foods EGCg Green Tea Extract 200 мг EGCG · 180 капсул | 336₮ / капсул 60,523₮ |
Мөнгөө үрэх нэмэлтүүд
Fat burner гэж зарагддаг холимог нэмэлтүүдийн гол идэвхтэй орц нь ихэвчлэн кофеин. Үнэ нь хэд дахин өндөр ч энгийн кофеинээс илүү ажилладаг гэх нотолгоо алга.
Garcinia cambogia, raspberry ketone, CLA, L-carnitine, chromium нэмэлтүүдийн нөлөө АНУ-ын NIH-ийн тоймоор маш бага, эсвэл огт батлагдаагүй. Мөн жин хасах нэмэлтэд шошгондоо бичээгүй эмийн бодис нууцаар хольсон тохиолдол олон удаа илэрсэн. Хурдан, их жин хасна гэж амласан бүтээгдэхүүнээс зайлсхий.

Solaray Garcinia Cambogia
500 мг · 60 капсул

NatureWise Raspberry Ketones Plus+
120 капсул

EVL CLA1000
90 капсул

Nutrex L-Carnitine 3000
465 мл · 31 порц

MRM Nutrition Chromium Picolinate
100 капсул
Хаанаас авах вэ?
Whey, креатиныг гаднаас өөрөө захиалбал Монголын дэлгүүрийн үнээс 26–44% хямд гардаг. Хаанаас, яаж найдвартай захиалахыг манай сургалтад алхам алхмаар заасан.
Эм уудаг, жирэмсэн, хөхүүл, эсвэл архаг өвчтэй бол нэмэлт уухаасаа өмнө эмчтэйгээ зөвлөлдөөрэй.
Эх сурвалж
- NIH — Жин хасах нэмэлтүүдийн тойм
- Уураг ихтэй, илчлэг хассан хоолны дэглэм: мета-анализ
- EFSA — Глюкоманнан ба жин хасалт
- ISSN — Кофеин ба дасгалын гүйцэтгэлийн тухай байр суурь
- FDA — Өдөрт хэр их кофеин уух вэ?
- ISSN — Креатины аюулгүй байдал, үр нөлөөний тухай байр суурь
- Cochrane — Ногоон цай ба жин хасалт
- EFSA — Ногоон цайны катехины аюулгүй байдал







